Elke fase van jou kind se skoolloopbaan bring nuwe uitdagings. Van die oorgang na formele onderrig, die sprong van Graad 3 na Graad 4, tot die groot skuif hoërskool toe…hierdie veranderinge kan oorweldigend wees vir kinders… en vir hul ouers.
In hierdie episode gesels Daniëlla met arbeidsterapeut Yolanda Grobler van Raising Brightness oor die ontwikkelings- en emosionele impak van hierdie sleutel-oorgange in ‘n kind se skoolloopbaan. Yolanda deel insigte oor hoe ouers hul kinders met die regte emosionele en praktiese gereedskap kan toerus — en hoe om veerkragtigheid, onafhanklikheid en selfvertroue van vroeg af te bou.
Of jou kind nou Graad R toe gaan of voorberei vir hoërskool, hierdie gesprek is propvol kundige raad om julle albei op die pad vorentoe te help.
