Ivor Swartz se kinderdae-herinneringe aan Vadersdag is nie gevul met vreugde nie. Hy het sy pa op drie verloor, as jong man ses jaar in die tronk deurgebring nadat hy sy broer doodgemaak het, en hy het lank swaar gedra aan die diep wonde van ’n lewe sonder ’n teenwoordige pa.
Ivor deel met Daniëlla lesse oor sy eie onlangse reis as ouer – om te werk deur die seer van die verlede, en te leer hoe om ‘n goeie pa te wees, sonder dat hy self een gehad het.
Ivor werk ook gereeld met jongmense. Hy kén die hart van ‘n tiener en deel uit daardie perspektief raad vir elke pa en ouer wat béter wil wees vir hulle kinders.
