Om ‘n werkende ma te wees voel soms asof jy in die sirkus is, en 10 balle gelyk in die lug probeer hou. Maar hoe gemaak wanneer die balle begin val?
Daniëlla gesels in hierdie episode met bedryfsielkundige Elne Janse Van Rensburg van Moms At Work oor hoe ‘n werkende ma balans (of die gebrek daaraan!) moet benader, moeilike keuses kan maak en haar nuwe identiteit vind en vestig wanneer sy terugkeer werk toe ná ‘n baba.
Elne praat ons ook moed in om vir ons kinders ‘n voorbeeld te wees en te wys: “Kyk, ons kán moeilike goed doen”.
