Dié Wêreld-Borsvoedingsweek vier ons ma’s wat borsvoed: Die hoogte- én laagtepunte, die koesteroomblikke en dié uitdagings.
In hierdie episode gesels Daniëlla met Alwerí Brand en Caroli Diener, twee leidsters van La Leche League Suid-Afrika. LLL is een van die wêreld se voorste organisasies vir die ondersteuning van borsvoeding. Hulle gee raad oor hoe ma’s wat borsvoed na hulleself kan omsien tydens hierdie spesiale tyd in hul verhouding met hul kind – maar ook hoe ‘n borsvoed-mamma se man, familie en geliefdes kan help om haar te ondersteun.