Die aktrise Greteli De Swardt het op 20 getrou en op 21 ma geword. Die huwelik was beplan – maar die baba was ‘n verrassing!Terwyl die meeste van haar vriende dus deurnag-swotsessies of -partyjies gehou het, was Greteli soms twee uur soggens nag wakker om doeke te ruil en te borsvoed.
In hierdie episode gesels Daniëlla (‘n “ouer ma”…) met Greteli (‘n jonger ma) oor die ervaring en uitdagings om in jou vroeë twintigs mamma te word; hoe dit haar vriendskappe beïnvloed het; en hoe die koms van klein Alé haar en haar man se huwelik verander en verryk het.
