Om kalm te bly terwyl jou kind se emosies buite beheer is, is een van ouerskap se groot uitdagings. En wanneer so tantrum dan nog plaasvind in ‘n besige winkelsentrum, met verbygangers wat hulle tonge klik en jou sommer hardop veroordeel, voel jy dalk sommer ook lus om op die grond te gaan sit en huil!
In hierdie episode help voorligtingsielkundige Fiona Doman van The Parenting Partner ons om sin te maak van groot emosies.
Sy verduidelik vir Daniëlla hoe kinders se brein aanmekaargesit is en waarom hulle nie emosies nie kan reguleer soos ‘n volwasse nie, en hoe ons hulle kan help om die nodige vaardighede aan te leer.
Ons praat ook oor ouer kinders en hulle emosionele uitdagings. Aan die einde van dié episode sal jy verstaan dat tantrums (hoewel allermins aangenaam) eintlik ‘n baie goeie teken is in jou kind se ontwikkeling!
