Wat as ander sê jou kind is ‘n fout? Dat jy eerder moes aborteer het? Dat jy haar moet wegsteek en vergeet?
Dis wat Susette Brynard moes hoor toe haar dogtertjie, Shéri, met Down-sindroom gebore is. Maar sy het gekies om nie te glo wat ander sê nie – sy het gekies om in haar kind te glo. Vandag is Shéri Brynard (43) ’n internasionale spreker, ’n inspirerende vrou met ’n tersiêre kwalifikasie – en ‘n lig vir almal wat haar pad kruis.
In hierdie inspirerende Moedersdag-episode – ook die eerste aflewering in die #MoedVirMammas-reeks saam met Afrikaans.com – gesels Daniëlla van Heerden met hierdie ongelooflike ma-en-dogter-span oor hoop, deursettingsvermoë, en die krag van ‘n ma se geloof.
Ons vier moeders, moedertaal én moed – met ’n storie wat jou siel gaan aanraak én jou moed gee vir jou eie ouerskapreis.
