‘n Ma & ‘n Mikrofoon bied ‘n oop en eerlike ruimte vir ma’s om die uitdagings en vreugdes van ouerskap te bespreek. Daniëlla van Heerden bring kenners en spesiale gaste bymekaar om jou te inspireer, te bemagtig, en soms lekker te laat lag oor daardie onverwagte “ma-oomblikke.”
Daniëlla is ’n bekende TV-aanbieder, joernalis, en ma van twee. Haar unieke perspektief en empatie maak haar die perfekte stem vir ma’s wat op soek is na ondersteuning, insig, en ’n bietjie humor. Haar eie reis as ma bring egtheid en warmte na elke episode.
Sy was ‘n prem-baba, blind van geboorte af en ‘n enkelma op ‘n jong ouderdom. Later in Shani Little se lewe het sy boonop gesukkel om swanger te word – en toe dit eindelik gebeur, kry sy ook ‘n borskankerdiagnose.
Shani is egter gelouter deur die vuur in haar lewe – en in hierdie episode deel sy haar storie van ma- en vrouwees met Daniëlla.
© 2023 – 2024, Talk2Live. Alle Regte Voorbehou.
